Andhra Pradesh
oi-Korivi Jayakumar
ఆంధ్రప్రదేశ్ రాష్ట్రంలోని నిరుద్యోగ యువతకు ప్రభుత్వం గుడ్ న్యూస్ ప్రకటించనుంది. ఉగాది పర్వదినం సందర్భంగా ఏపీ ప్రభుత్వం జాబ్ క్యాలెండర్ విడుదల చేయనుంది. ఏటా ఉగాది సందర్భంగా జాబ్ క్యాలెండర్ విడుదల చేయాలని కూటమి ప్రభుత్వం నిర్ణయించిన సంగతి తెలిసిందే. ఈ క్రమంలోనే ఈరోజు (మార్చి 19, 2026) జాబ్ క్యాలెండర్ విడుదల చేయటానికి అధికారులు కసరత్తు పూర్తి చేశారు. కాగా ఏపీ మంత్రి నారా లోకేష్ సోషల్ మీడియా వేదికగా జాబ్ క్యాలెండర్ విడుదల చేయనున్నట్లు సమాచారం.
ఈ జాబ్ క్యాలెండర్ లో పలు శాఖలకు సంబంధించి 10 వేలకు పైగా ఉద్యోగాల భర్తీ ఉండనున్నట్టు సమాచారం. మొత్తంగా 25 శాఖలలో ఈ నియమకాలను పూరించనున్నట్టు భావిస్తున్నారు. అంతే కాకుండా ఉద్యోగాల భర్తీ ప్రక్రియలో ఎలాంటి న్యాయ వివాదాలు తలెత్తకుండా నోటిఫికేషన్లు సైతం ప్రకటించేలా అధికారులు కసరత్తు చేస్తున్నట్టు చర్చ జరుగుతోంది. అయితే ముఖ్యమంత్రి చంద్రబాబు నిర్ణయం తర్వాత మొత్తంగా ఎన్ని పోస్టులకు జాబ్ క్యాలెండర్ విడుదల అనేది క్లారిటీ రానుంది.
మరోవైపు జాబ్ క్యాలెండర్ ప్రకటించిన వెంటనే టీచర్ పోస్టులను భర్తీ చేసేందుకు గానూ పాఠశాల విద్యాశాఖ.. డీఎస్సీ నోటిఫికేషన్ విడుదల చేయనుంది. అయితే ఈ పోస్టులతో పాటు రాబోయే మూడేళ్ల కాలానికి ప్రకటించబోయే డీఎస్సీలపైనా ప్రణాళిక సిద్దం అవుతోంది. రానున్న కాలంలో వరుస డీఎస్సీల ద్వారా సుమారు 7,500కు పైగా పోస్టులు భర్తీ చేసేలా అధికారులు ప్రణాళిక తయారు చేస్తున్నారు.
ఖాళీలు ఉన్న శాఖలు..
25
ఏ శాఖలో ఎన్ని పోస్టులంటే..
- స్కూల్ ఎడ్యుకేషన్ – 3,004 పోస్టులు
- హోమ్ (పోలీస్/ఫైర్) – 3,057 పోస్టులు
- హయ్యర్ ఎడ్యుకేషన్ – 1,500 ప్రొఫెసర్లు
- ప్రొహిబిషన్ & ఎక్సైజ్ – 452 పోస్టులు
- పంచాయతీ రాజ్ & RD – 328 పోస్టులు
- వాటర్ రిసోర్సెస్ – 224 AEE పోస్టులు
- ఫైనాన్స్ – 169 పోస్టులు
- అడవులు & పర్యావరణం – 140 పోస్టులు
- వెల్ఫేర్ హాస్టల్ వార్డెన్లు – 200
- స్టాటిస్టిక్ ఆఫీసర్ పోస్టులు – 200
- గ్రూప్ 1 & గ్రూప్ 2 – 600
