వారానికి ఒక్కసారైనా ఫోన్ రీస్టార్ట్ చేయాలా.. చేయకపోతే మీకే నష్టం..!

Phone Restart Benefits: మీ ఫోన్ హ్యాంగ్ అయినా, ల్యాప్‌టాప్ స్లో అయినా.. టెక్ సపోర్ట్ వాళ్లు ముందుగా చెప్పే మాట ఏంటి? ‘ఒకసారి ఆఫ్ చేసి ఆన్ చేయండి’ అని. ఈ చిన్న మాట వెనుక పెద్ద సైన్స్ ఉంది. చాలామంది దీన్ని లైట్ తీసుకుంటారు, కానీ మీ డివైజ్ హెల్త్ కోసం ఇది చాలా ముఖ్యం. అసలు రీస్టార్ట్ చేయడం వల్ల ఏం జరుగుతుందో, దాన్ని సరిగ్గా ఎలా చేయాలో ఇప్పుడు చూద్దాం.

రీస్టార్ట్ ఎందుకు..
ఫోన్‌ను రీస్టార్ట్ చేయడం అంటే దానికి ఒక ఫ్రెష్ స్టార్ట్ ఇవ్వడం లాంటిది. రోజూ వాడటం వల్ల మన ఫోన్లలో, ల్యాప్‌టాప్స్‌లో చాలా ‘డిజిటల్ చెత్త’ (Digital Clutter) పేరుకుపోతుంది. టెంపరరీ ఫైల్స్, యాప్స్ వాడి వదిలేసిన డేటా, బ్యాక్‌గ్రౌండ్‌లో రన్ అయ్యే అనవసరమైన ప్రాసెస్‌లు.. వీటన్నింటినీ రీస్టార్ట్ ఒక్క దెబ్బతో క్లియర్ చేస్తుంది.

ఫోన్‌ను రీస్టార్ట్ చేయగానే, దాని యాక్టివ్ మెమరీ (RAM) మొత్తం క్లియర్ అవుతుంది. అంతేకాదు, బ్యాక్‌గ్రౌండ్‌లో సైలెంట్‌గా రన్ అవుతూ ప్రాసెసర్ పవర్‌ను తినేసే యాప్స్ అన్నీ మూసుకుపోతాయి. దీంతో ఫోన్ స్లో అవ్వడం, హ్యాంగ్ అవ్వడం వంటి సమస్యలు తగ్గి, డివైజ్ మళ్లీ స్పీడ్‌గా, స్మూత్‌గా పనిచేస్తుంది

బ్యాటరీ ఆదా.. వేడికి చెక్
మనకు తెలియకుండా బ్యాక్‌గ్రౌండ్‌లో రన్ అయ్యే కొన్ని యాప్స్ నిరంతరం ఛార్జింగ్‌ను లాగేస్తుంటాయి. దీనివల్ల ఫోన్ వాడకపోయినా వేడెక్కుతుంది. రీస్టార్ట్ చేయడం వల్ల ఈ టాస్క్‌లు వాటంతటవే ఆగిపోతాయి. ప్రాసెసర్‌పై భారం తగ్గి, బ్యాటరీ లైఫ్ పెరుగుతుంది, ఫోన్ కూడా కూల్‌గా ఉంటుంది.

చిన్న చిన్న సమస్యలకు చెక్..
Wi-Fi సరిగ్గా కనెక్ట్ అవ్వకపోయినా, బ్లూటూత్ పనిచేయకపోయినా, ఏదైనా యాప్ పదేపదే క్రాష్ అవుతున్నా.. ఒక్కసారి రీస్టార్ట్ చేసి చూడండి. చాలావరకు ఇలాంటి చిన్న చిన్న సాఫ్ట్‌వేర్ గ్లిచ్చెస్ (Glitches) అంటే సాంకేతిక సమస్యలన్నీ రీస్టార్ట్ చేస్తేనే సెట్ అయిపోతాయి.

సెక్యూరిటీ పక్కా.. అప్‌డేట్స్ ఇన్‌స్టాల్
రెగ్యులర్‌గా ఫోన్‌ను రీస్టార్ట్ చేయడం అనేది ఒక మంచి డిజిటల్ అలవాటు. దీనివల్ల మెమరీలో దాక్కునే కొన్ని రకాల వైరస్‌లు (Malware) కూడా తొలగిపోతాయి. ముఖ్యంగా, ల్యాప్‌టాప్స్‌లో వచ్చే సెక్యూరిటీ అప్‌డేట్స్ అనేవి రీస్టార్ట్ చేశాకే పూర్తిగా ఇన్‌స్టాల్ అవుతాయి. రీస్టార్ట్ చేయకపోతే మీ డివైజ్ సెక్యూరిటీ రిస్క్‌లో పడ్డట్టే.

మొబైల్ ఫోన్‌ను సరిగ్గా రీస్టార్ట్ చేయడం ఎలా?
సాధారణంగా ఫోన్ పవర్ బటన్‌ను నొక్కి పట్టుకుంటే “రీస్టార్ట్” లేదా “రీబూట్ (Reboot)” ఆప్షన్ వస్తుంది. దానిపై టాప్ చేస్తే చాలు. ఒకవేళ ఫోన్ పూర్తిగా హ్యాంగ్ అయిపోయి స్క్రీన్ పనిచేయకపోతే, ‘పవర్ బటన్’, ‘వాల్యూమ్ డౌన్ బటన్’ రెండింటినీ ఒకేసారి 10-20 సెకన్ల పాటు నొక్కి పట్టుకోండి. ఫోన్ ఆటోమేటిక్‌గా రీస్టార్ట్ అవుతుంది.

విండోస్ లాప్‌టాప్/పీసీ రీస్టార్ట్ చేసే పద్ధతి
ముందుగా పనిచేస్తున్న ఫైల్స్ అన్నీ సేవ్ చేసుకోవాలి. తర్వాత స్టార్ట్ మెనూ (Start Menu) పై క్లిక్ చేసి, పవర్ ఐకాన్ నొక్కి “Restart” ఆప్షన్‌ను ఎంచుకోండి. ఒకవేళ సిస్టమ్ హ్యాంగ్ అయితే, కీబోర్డులో Ctrl + Alt + Delete బటన్లను కలిపి నొక్కండి. వచ్చే స్క్రీన్‌పై కింద కుడివైపు ఉన్న పవర్ ఐకాన్‌ను క్లిక్ చేసి “Restart” చేయండి.

దీన్ని ఒక అలవాటుగా చేసుకోండి
ఫోన్ స్లో అయ్యేవరకు ఆగకుండా, వారానికి కనీసం ఒక్కసారైనా మీ ఫోన్‌ను, ల్యాప్‌టాప్‌ను రీస్టార్ట్ చేయడం అలవాటు చేసుకోండి. ఇది మీ డివైజ్‌లను ఆరోగ్యంగా ఉంచి, వాటి లైఫ్‌ను పెంచుతుంది.